Archebwch eich lle yng Nghynhadledd Cymru 2025

Mae Cynhadledd FfCSyM-Cymru 2025 yn cael ei chynnal yng Nghanolfan Selwyn Samuel, Llanelli ar ddydd Mercher 16 Ebrill. Bydd hwn yn ddigwyddiad nodedig a dathliadol yng nghalendr FfCSyM gan mai dyma fydd y 100fed Gynhadledd a bydd pob aelod sy’n mynychu’r digwyddiad yn cael rhodd i nodi’r achlysur.

Siaradwyr wedi'u cadarnhau:

1. Yr Athro Steve Ormerod

Mae Steve Ormerod yn Athro Ecoleg ym Mhrifysgol Caerdydd ac yn astudio effeithiau newid byd-eang ar ecosystemau afonydd. Mae wedi dal rolau llywodraethu gydag amrywiaeth o gymdeithasau dysgedig, sefydliadau ymchwil, cyrff anllywodraethol amgylcheddol a chyrff y llywodraeth, ac ar hyn o bryd mae’n Ddirprwy Gadeirydd Cyfoeth Naturiol Cymru ac yn Is-lywydd y Gymdeithas Frenhinol er Gwarchod Adar. Bydd yn annerch y Gynhadledd ar 'Gwyneb newidiol llygredd afonydd: yr angen i weithredu'.

2. Jeryl Stone, Cadeirydd FfCSyM

3. Mari Thomas, Mari Thomas Jewellery

Mae Mari yn rhedeg busnes dylunio gemwaith yn Llandeilo. Mae ei gemwaith yn cael ei arddangos ledled y byd ac mae hi hefyd wedi cael ei chomisiynu i wneud gwaith â phroffil uchel iawn. Bydd Mari’n siarad am ei hysbrydoliaeth ar gyfer y gwahanol ddyluniadau mae’n eu gwneud a bydd ganddi hefyd stondin yn gwerthu rhai darnau o emwaith.

4. Melanie Johnson, Dirprwy Gyfarwyddwr Iechyd UK-Med a Thîm Meddygol Brys y DU

Yn gyn-swyddog yn y fyddin, nyrs gofrestredig a meddyg cyswllt, mae Melanie wedi treulio'r deng mlynedd diwethaf mewn rolau clinigol a chydlynol. Mae ei phrofiadau yn cynnwys yn cynnwys ymateb i drychinebau a gwrthdaro, gofal iechyd cyn-ysbyty a gofal brys yn ogystal â gwasanaeth gofal sylfaenol mewn argyfwng. Mae ymatebion diweddar Melanie yn cynnwys anfoniadau lluosog i Gaza, lle mae ei gwaith wedi’i gydnabod gyda Medal Ddyngarol y DU.

Bydd y Gynhadledd yn cau gyda pherfformiad gan Rock Choir.

Y gost i fynychu'r digwyddiad fydd £15 yr aelod.

Aelodau yng Nghymru - Archebwch eich lle drwy eich Ffederasiwn.  

Aelodau yn Lloegr - Cysylltwch â Swyddfa FfCSyM-Cymru i archebu eich lle.  E-bost: walesoffice@nfwi-wales.org.uk

Ar y diwrnod, bydd lluniaeth ysgafn ar gael i'w brynu o'r lleoliad. Mae'r lleoliad yn hygyrch.